صح النوم رمضان فرضتك للتغيير

8/7/2012, 22:43

السلام عليكم ورحمة الله وبركاته

لازم نسال نفسنا ...
استعدينا لرمضان ازاااااااااااااااااااى ؟؟؟؟

انا عارفة ان الاجابه محرجه جداااااااااا
عند معظم الناس الا من رحم الله
وخاصه لما نقرا فى سير الصحابه والسلف الصالح
ونشوف كانوا بيجهزوا ازاى للشهر العظيم ده

وقد ايه فعلا كانت عزيمتهم وصدقهم مع الله فكان
ربنا بيقويهم ويباركلهم فى شهر رمضان ...

الواحد بيبقى هاين عليه يعمل اى حاجه فى
نفسه علشان تبطل الاستهتار والتهاون والغفله اللى احنا عايشين فيها !!!!

ربنا بيقول (وَلَوْ أَرَادُواْ الْخُرُوجَ لأَعَدُّواْ لَهُ عُدَّةً) التوبة 46

اللى عايز يفوز برمضان لازم يجهز له من دلوقتى يا شباب

لو تاملنا فى احوال الناس اللى عندهم امتحانات

قد ايه عمالين يذاكروا ويجتهدوا ..(دح 24ساعه )
وفيه ناس والله مش بتنام غير ساعتين ولا تلاته !!!!

ده كله علشان امتحان دنيوى لو الواحد
حتى رسب فيه (لا قدر الله ) مش هتبقى مشكله كبيره ...!!!!!!
(عادى يعنى السنه الجايه نبقى نزاكرها )

انما لما يكون الواحد دخل على شهر رمضان يبقى لازم

يفووووووووووووق

لازم يصحى من النوم اللى هو فيه طول السنه

لما تلاقى الدنيا كلها بتستعد لرمضان وانت نايم
يبقى انت اللى فيك حاجه غلط !!!!

الناس العاديين بيستعدوا لرمضان من قبلها
بشهور يخزنوا التمر والياميش والمكسرات ومالذ وطاب من الاكل ...

وكذلك التجار كلهم بيستعدوا ويجهزوا لرمضان

التلفزيون ...وما ادراك ما التلفزيون ؟؟؟

الفنانين والفنانات واصحاب البرامج
كله بيستعد لرمضان يمكن من قبلها بسنه كامله !!!

وتلاقى نفسك قدام اكتر من 100مسلسل والف برنامج
ترفيهى ومسابقات وفوازير والذى منه !!!! استعداد رهيييييييييييييييييييييييب!!!!!!

وده حتى الشياطين بتستعد لرمضان !!!!!

تلاقى الشيطان بيبذل اقصى جهد علشان
يوقعك فى معصيه قبل رمضان متفوقش منها
غير بعد فوات الشهر المبارك ...

وكذلك بيبذلوا اقصى جهد فى تجنيد شياطين
الانس علشان يبعدوك باى وسيله عن الطاعه فى رمضان !!!!!

الدنيا كلها بتستعد
ياترى انت استعديت ازاااااااااااااااااى؟؟؟؟؟؟

دا جدول جميل اوى بجد خطوات عملية تساعدك تنظم وقتك وأعمالك فى رمضان وفيما يرضى الله

وتقدر تظبط فيه على حسب مايناسب ظروفك

وممكن انت تعمل بمزاجك الجدول اليريحك والتحس انو شامل انو يغير حياتك فى الشهر الكريم

دا مثال بسيط اوى يساعد معظم الناس االمتلغبطة ومش عارفة تبدأ منين

صح النوم رمضان فرضتك للتغيير 306677_431568056887477_1977388276_n

صح النوم رمضان فرضتك للتغيير 306677_431568056887477_1977388276_n

اللهم بلغنا رمضان و أدخله علينا بالأمن و السلام

و اغفر لنا يا منان يا رحيم و تقبل دعائنا يا ذا الجلال و الاكرام

اللَّهُمَّ
اجْمَعْ عَلَى الْهُدَى أَمْرَنا، وَأَصْلِحْ ذَاتَ بَيْنِنا، وَألِّفْ
بَيْنَ قُلُوبِنا، وَاجْعَلْ قُلُوبَنا كَقُلُوبِ خِيَارِنا، وَاهْدِنا
سَوَاءَ السَّبِيلِ، وَأخْرِجْنا مِنَ الظُّلُمَاتِ إِلَى النُّورِ،
وَاصْرِفْ عَنّا الْفَوَاحِشَ، ما ظَهَرَ مِنْها وَما بَطَنَ. اللَّهُمَّ
فَرِّغْنِي لِمَا خَلَقْتَنِي لَهُ، وَلاَ تَشْغَلْنِي بِمَا خَلَقْتَهُ
لِي، وَلاَ تَحْرِمْنِي وَأَنا أَسْأَلُكَ، وَلاَ تُعَذِّبْنِي وَأَنا
أَسْتَغْفِرُكَ. اللَّهُمَّ إِنِّي أعُوذُ بِكَ مِنْ جَهْدِ الْبَلاَءِ،
وَدَرْكِ الشَّقَاءِ، وَسُوءِ الْقَضَاءِ، وَشَمَاتَةِ الأَعْدَاءِ،
وَعُضَالِ الدَّاءِ.

اللَّهُمَّ بَلِّغْنا رَمَضَانَ وَأَعِنَّا عَلَى صِيَامِهِ وَقِيَامِهِ عَلَى الوَجْهِ الّذِي يُرْضِيكَ عَنَّا

اللَّهُمَّ اجْعَلْ عَمَلَنَا كُلَّهُ خَالِصَاً لِوَجْهِكَ الكَرِيمِ..

اللهم
ارزقنا قبل رمضان قلوباً جديدة، وتوبة سديدة، وهمة شديدة، وأعمالاً صالحةً
عديدة، نعوذ بك من فتنة النفس وطغيانها، وفتنة الدنيا وظلمها، وفتنة النعم
وكـفرها، وفتنة البلاء وقطعها،